Azərbaycan, Bakı, 21 avqust /Trend, müxbir H.Vəliyev/
İlin sonuna kimi Azərbaycan mobil rabitə operatoru - "Azercell Telecom" abonentləri nömrə daşıma xidmətininin (MNP - Mobile Number Portability) tətbiqindən sonra daha sərfəli şərtlər əldə edəcəklər. Bu barədə Trend-ə şirkətdən bildirilib.
Şirkətdən bildirilib ki, xidmətin rəsmən tətbiqindən sonra şirkət öz abonentləri üçün yeni güzəştli aksiyaları elan edəcəyi təqdimat mərasimi keçirəcək.
Xidmətin işə salınması layihəyə cəlb olunan tərəflərdən asılıdır və onlar tam yoxlamalar keçirdikdən sonra istifadəyə veriləcək.
Şirkətdən bildirilib: "MNP xidməti bir şirkət tərəfindən təqdim oluna bilməz. Layihəyə bütün rabitə operatorları cəlb olunmalıdır. Hazırda sistemin yoxlanılması üzrə işlər yekunlaşma mərhələsindədir və biz inanırıq ki, abonentlər yaxın vaxtlarda ondan istifadə edə biləcəklər".