Azərbaycan, Bakı, 17 yanvar /Trend /
Azərbaycan Təhsil Nazirliyi, Microsoft korporasiyası, Madad Azerbaijan və British Council "İngilis dili müəllimlərinin sertifikatlaşdırılması və ixtisasının artırılması" layihəsi çərçivəsində əməkdaşlıq haqqında saziş imzalayıblar.
Trend-in məlumatına görə, bu barədə Microsoft Azerbaijan şirkəti cümə günü xəbər verir.
Layihə çərçivəsində 300-ə yaxın müəllimin pedaqoji bilik və təhsildə informasiya texnologiyalarından istifadənin təmin edilməsi səviyyəsi, onların ixtisas artırılması qiymətləndiriləcək, beynəlxalq sertifikatlaşdırması, həmçinin inteqrasiya strategiyası fəallığı və mexanizmlərin layihəsinin motivasiya strategiyası müzakirə olunacaq.
Təhsil Nazirliyi layihənin tətbiqinə pilot mərhələsində strateji dəstək göstərəcək. Microsoft müəllimlərin müvafiq sertifikatlaşdırmasını məzmun və məlumatın qiymətləndirmə alətləri ilə təmin edəcək, həmçinin onları onlayn-əməkdaşlığını dəstəkləmək üçün "Office 365" mühiti yaradacaq.
Layihə çərçivəsində nəzərdə tutulan bütün təlimlər Madad təşkilatı tərəfindən keçiriləcək. Təşkilat həmçinin əməkdaşlıq üçün iştirakçıları onlayn-kommunikasiya imkanı ilə təmin edəcək, həmçinin sertifikatlaşdırmanın tənzimlənməsini və əlaqələndirilməsini dəstəkləyəcək.
"İngilis dili müəllimlərinin sertifikatlaşdırılması və ixtisasının artırılması" layihəsi bir il müddətinə nəzərdə tutulmuşdur, onun icrasına 2014-cu ilin yanvarında başlanacaq.