Təfərrüatlar əlavə edilib (İlk xəbər 10:39-da yayılıb)
Azərbaycan, Bakı, 12 mart /Trend, müxbir İ.İzzət/
Bakı metrosunun "Sahil" stansiyasının giriş-çıxışı bağlanıb. Bu barədə Trend-ə Bakı Metropolitenindən məlumat verilib.
Metropolitendən bildirilib ki, giriş-çıxışın bağlanması stansiyanın üstündə yerləşən binada güclü yanğının baş verməsi ilə əlaqədardır.
Qeyd edək ki, bir qədər əvvəl metronun "Sahil" stansiyanın üstündəki çoxmərtəbəli binanın 3-cü mərtbəsində, "Sahil" Ticarət Mərkəzində güclü yanğın baş verib. Artıq yanğın söndürülüb. Baş verən yanğın zamanı 5 nəfər xəsarət alıb.
Bakı Metropolitenindən daha sonra Trend-ə bildiriblər ki, "Sahil" stansiyasının giriş-çıxışı açılıb və hərəkət bərpa olunub.