...

Novruz bayramı günlərində Bakıda təcili yardıma edilən çağırışların statistikası açıqlandı

Cəmiyyət Materials 22 Mart 2014 10:36 (UTC +04:00)

Azərbaycan, Bakı, 22 mart /Trend, müxbir E.Mehdiyev/

Novruz bayramı günlərində - martın 20-21-də Bakıda təcili yardıma edilən çağırışların sayında fərq olmayıb. Bu barədə Trend-ə Bakı Şəhər Təcili və Təxirəsalınmaz Tibbi Yardım Stansiyasından məlumat verilib.

Məlumata görə, çağırışların sayı adi günlərdəki kimi olub: "Necə ki, adi günlərdə orta hesabla 1700 çağırış var idi, bayram günlərində də çağırışların sayı bu qədər olub".

Həmçinin qeyd olunur ki, bayram günlərində heç bir kütləvi zəhərlənmə və ya qidadan zəhərlənmə halları qeydə alınmayıb.

Qeyd edək ki, ilaxır çərşənbənin qeyd olunduğu gün - martın 18-də Bakıda 6 nəfər tonqal ətrafında yanıb. Onlardan 5-nin yanıq xəsarətləri yüngül olduğu üçün hadisə yerində ilkin tibbi yardım göstərilib, birinin xəsarətləri isə ağır olduğuna görə Respublika Yanıq Mərkəzinə yerləşdirilib.

Məqalədə:
Xəbər lenti

Xəbər lenti