...

TQDK iki il əvvəl 9, bu il isə 11-ci sinifdə buraxılış imtahanı vermiş məzunların nəticələrini təhlil edib

Cəmiyyət Materials 11 İyul 2014 15:00
Tələbə Qəbulu üzrə Dövlət Komissiyası iki il əvvəl 9-cu sinif, bu il isə 11-ci sinif üzrə buraxılış imtahanı vermiş məzunların bu imtahanlarda göstərdikləri nəticələri müqayisəli şəkildə təhlil edib.
TQDK iki il əvvəl 9, bu il isə 11-ci sinifdə buraxılış imtahanı vermiş məzunların nəticələrini təhlil edib

Trend-i buradan izləyin

Azərbaycan, Bakı, 11 iyul /Trend, müxbir İlhamə İsabalayeva/

Tələbə Qəbulu üzrə Dövlət Komissiyası iki il əvvəl 9-cu sinif, bu il isə 11-ci sinif üzrə buraxılış imtahanı vermiş məzunların bu imtahanlarda göstərdikləri nəticələri müqayisəli şəkildə təhlil edib.

Trend-in məlumatına görə, TQDK sədri Məleykə Abbaszadə bu gün keçirdiyi mətbuat konfarsında bildirib ki, 2012-ci ildə 117 000 nəfər 9-cu sinif üzrə buraxılış imtahanı verib. Onların 85 000-i bu il 11-ci sinif üzrə buraxılış imtahanı verib.

XI sinif imtahanında iştirak etməyən şagirdlərdən 5 000-i orta ixtisas məktəblərində, 5 000-i isə peşə liseylərində oxuyur, təxminən 150 şagird 10-cu sinifdə qalıb.

TQDK sədri deyib ki, 2012-ci ildə 9-cu sinifdə buraxılış imtahında Ana dilindən iki qiyməti alanların sayı 19-20 faiz idi. Bu il 11-ci sinif məzunu olmuş həmin şagirdlərin 16 faizi Ana dilindən "iki" qiyməti alıb. 2012-ci ildə riyaziyyatdan iki alanların sayı 32 faiz olduğu halda, hazırda bu göstərici 19-20 faizdir: "Bu faizin azalması bizi aldatmamalıdır. Bu uşaqların bir qismi məktəbi tərk edib".

M.Abasazadə qeyd edib ki, 2012-ci ildə 9-cu sinif üzrə buraxılış imtahında iki alan və bu illdə XI sinif üzrə buraxılış imtahanında iştirak edənlərin 45 faizi ana dlindən yenidən "iki" qiyməti alıb. Onların 47 faizi "üç" qiyməti, 7 faizi "dörd" qiyməti, bir faizi "beş" qiyməti alıb: "Oxumaq istəyən uşaqlar bu iki il ərzində öz üzərində işləyiblər. Nəticədə onların 45-nin nəticəsi eyni səviyyədə qalsa da, qalanları öz nəticələrini müsbətə doğru dəyişiblər".

M.Abbaszadə bildirib ki, 2012-ci ildə 9-cu siniflər üzrə keçirilən buraxılış imtahanında riyaziyyatdan "iki" alan şagirdlərin 42 faizi bu il 11-ci sinif üzrə keçirilən braxılış ımtahanında da eyni nəticəni göstərib. İki il əvvəl 9-cu sinif məzunu olmuş həmin 11-cı sinif şagirdlərinin 44 faizi "3", 12 faizi "4", 1,5 faizi isə "5" qiyməti alıb.

2012-cı ildə imtahan vermiş şagirdlərin 24 faizi Ana dilindən, 35 faizi riyaziyyatdan "dörd" qiyməti alıb və iki il ərzində öz nəticələrini yaxsılaşdırıblar. Belə şagirdlərin 5,1 faiz Ana dilindən, 6,4 faizi isə riyaziyyatdan "beş" qiyməti alıb.

İki il əvvəl buraxılış imtahanında "dörd" qiyməti alan məzunlardan 47 faizi Ana dilindən, 53 faizi riyaziyyatdan bu il 11-cı sinif üzrə həmin nəticələrini təsdiqləyiblər. Bu şagirdlərin 33,2 faizi riyaziyyatdan, 34 faizi isə Ana dilindən "beş" qiyməti alıb. İki il bundan əvvəl buraxılış imtahanlarında "dörd" qiyməti alan şagirdlərin 1 faizi bu il hər iki fəndən "iki" qiyməti alıb. Məzunların 11 faizi riyaziyyatdan, 18 faizi Ana dilindən iki il əvvəl aldığı dörd qiymətini bu il "üç"ə düşürüb. İki il əvvəl imtahanda "4" alanların arasında nəticələrini yaxşılaşdıranların göstəricisi 30 faizdən çox olub.

2012-ci ildə buraxılış imtahanında "5" alanların 80 faizi bu il 11-ci sinifdə öz nəticələrini təsdiqləyiblər, yalnız 1 faiz nəticəsini pisləşdirib.

Məqalədə:
Xəbər lenti

Xəbər lenti