Azərbaycan, Bakı, 2 yanvar /Trend, müxbir Elçin Mehdiyev/
Bayram günlərində Bakı Şəhər Təcili və Təxirəsalınmaz Tibbi Yardım Stansiyasına müraciət edənlərin sayında artım qeydə alınıb. Bu barədə Trend-ə stansiyanın baş həkiminin müavini Oqtay Şahmalıyev məlumat verib.
Onun sözlərinə görə, adi günlərdə Bakıda gün ərzində təxminən 1800 çağırış olursa, bayram günlərində bu çağırışlar 2000-ə yaxın olub.
O.Şahmalıyev qeyd edib ki, artımın səbəblərindən biri adi tibb müəssisələrinin bayram günlərində işləməməsidir.
O, əlavə edib ki, adi günlərdə olduğu kimi müraciətlər, əsasən, ürək-damar xəstəlikləri ilə bağlı olub.