Azərbaycan, Bakı, 22 aprel /Trend, müxbir Hüseyn Vəliyev/
Bakının Ziya Bünyadov və Azadlıq prospektlərini birləşdirən 4 kilometr uzunluğundakı avtomobil yolu sahəsində asfalt-beton örtüyünün döşənməsi üzrə işlər sürətləndirilib. Bu barədə Trend-ə ASC-dən deyiblər.
Yolun 2,5 kilometr uzunluğundakı sahəsi Bakının Binəqədi, 1,5 kilometri isə Nərimanov rayonu ərazisindən keçir.
Hazırda avtomobil yolunun 1,5 kiloemtr sahəsində köhnə asfalt-beton örtüyünün sökülməsi üzrə işlər başa çatıb.
ASC-dən bildirilib ki, işlər günün gecə saatlarında (avtomobillərin hərəkətinin az olması nəzərə alınmaqla) sürətli templə aparılır.