...

Azərbaycanda daha 18 dini icmaya maliyyə yardımı ayrıldı

Cəmiyyət Materials 13 İyul 2015 16:40
Dini Qurumlarla İş üzrə Dövlət Komitəsi (DQİDK) tərəfindən 18 dini icmaya maliyyə yardımı ayrılıb.
Azərbaycanda daha 18 dini icmaya maliyyə yardımı ayrıldı

Trend-i buradan izləyin

Azərbaycan, Bakı, 13 iyul /Trend, müxbir İlkin İzzət/

Dini Qurumlarla İş üzrə Dövlət Komitəsi (DQİDK) tərəfindən 18 dini icmaya maliyyə yardımı ayrılıb.

DQİDK-nin mətbuat xidmətindən Trend-ə verilən məlumata görə, iyulun 13-də Dini Qurumlarla İş üzrə Dövlət Komitəsində (DQİDK) maliyyə yardımı ayrılmış daha 18 dini icma sədrinin iştirakı ilə toplantı keçirilib. Toplantıda Dövlət Komitəsinin rəhbərliyi, şöbə müdirləri və dini icmaların sədrləri iştirak ediblər.

Dövlət Komitəsinin sədri Mübariz Qurbanlı Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədi ilə dini icmalara maliyyə yardımı göstərmək üçün imzaladığı müvafiq sərəncamın əhəmiyyətindən danışıb. Komitə sədri bildirib ki, maliyyə vəsaitinin icmalara verilməsi ilə bağlı icmalar tərəfindən təqdim edilən layihələrin məqsədi yerlərdə dini maarifləndirmə işlərinin yüksək səviyyəyə qaldırılması, islami, eləcə də milli-mənəvi dəyərlərimizin müxtəlif xüsusiyyətli tədbirlər vasitəsilə ictimaiyyətə çatdırılmasıdır.

Ulu Öndər Heydər Əliyevin başlatdığı uğurlu dövlət-din siyasətinin bu gün Prezident İlham Əliyev tərəfindən yüksək səviyyədə davam etdirildiyini bildirən Mübariz Qurbanlı dövlətin siyasətində gənclərə diqqət və qayğının xüsusi yer aldığını xatırladaraq, icma sədrlərinə həyata keçirəcəkləri layihələrin əsas subyektinin gənclər olmasının vacibliyini tövsiyə edib. Komitə sədri icmalar tərəfindən layihələrin reallaşmasının radikalizmlə mübarizədə də öz müsbət təsirini göstərəcəyini bildirib.

Tədbirin sonunda dini icma sədrləri çıxış edərək, bu sahəyə göstərdiyi diqqət və qayğıya, həmçinin, dini icmalara ayrılan vəsaitə görə dövlət başçısı İlham Əliyevə təşəkkürlərini bildiriblər.

Məqalədə:
Xəbər lenti

Xəbər lenti