...

Havanın temperaturu düşəcək, şimşək çaxacaq, yağış yağacaq

Cəmiyyət Materials 17 Avqust 2015 12:56 (UTC +04:00)
Azərbaycanda havanın temperaturunun nisbətən düşəcəyi, bəzi bölgələrdə şimşək çağacağı, yağış yağacağı gözlənilir.
Havanın temperaturu düşəcək, şimşək çaxacaq, yağış yağacaq

Azərbaycan, Bakı, 17 avqust /Trend, müxbir İlkin İzzət/

Azərbaycanda havanın temperaturunun nisbətən düşəcəyi, bəzi bölgələrdə şimşək çaxacağı, yağış yağacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, avqustun 18-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal küləyi gündüz şərq küləyi ilə əvəz olunacaq.

Havanın temperaturu Abşeron yarımadasında gecə 23-26, gündüz 30-35, Bakıda gecə 24-26, gündüz 33-35 dərəcə isti olacaq.

Bölgələrdə, əksər rayonlarda isə hava şəraitinin əsasən yağmursuz keçəcəyi gözlənilir. Gecə və səhər bəzi şimal və qərb rayonlarında şimşək çaxacağı, yağış yağacağı gözlənilir. Şərq küləyi əsəcək, ayrı-ayrı yerlərdə arabir güclənəcək.

Havanın temperaturunun gecə 20-25, gündüz 33-38, dağlarda gecə 14-19, gündüz 25-30 dərəcə isti olacağı gözlənilir.

Məqalədə:
Xəbər lenti

Xəbər lenti