Bakı. Trend:
Avropa liseyinin şagirdləri Bakı Dövlət Universitetində (BDU) olublar.
BDU-nun Mətbuat və İnformasiya Şöbəsindən Trend-ə verilən məlumata görə, Avropa liseyinin 3R2 sinfinin şagirdləri "Mənim gələcək peşəm" layihəsi çərçivəsində Bakı Dövlət Universitetinin kimya və biologiya fakültələrində olublar.
Adıçəkilən fakültələrin maddi-texniki bazası ilə tanış olan şagirdlər, həmçinin universitetin laboratoriyaları, mərkəzləri və muzeylərinə baş çəkiblər.
Şagirdlərlə görüşən müəllimlər onlara məsləhət verib, suallarını cavablandırıblar.