Bakı. Samir Əli - Trend:
Bu ilin 3 ayı ərzində Bakı Şəhər Baş Polis İdarəsinə 5.398 ərizə və müraciət daxil olub.
Trend-in məlumatına görə, bu barədə Bakı Şəhər Baş Polis İdarəsində 2016-cı ilin I rübünün nəticələrinə və qarşıda duran vəzifələrə həsr olunmuş geniş əməliyyat müşavirəsində bildirilib.
Müraciətlər əsasında 608 vətəndaş qəbul edilib. Müraciətlərin 568-i nazirliyin və Baş İdarənin rəhbərliyi tərəfindən nəzarətə götürülüb.