Bakı. Elçin Mehdiyev - Trend:
"Rio-de-Janeyroda keçiriləcək XXXI Yay Olimpiya Oyunlarında gimnastlarımızdan çox yaxşı çıxışlar gözləyirəm".
Bunu Trend-ə bədii gimnastika üzrə Azərbaycan yığmasının baş məşqçisi Mariana Vasileva deyib.
O bildirib ki, ilk öncə gimnastlarımızın qarşısında duran ən vacib məsələ finala çıxmaqdır: "Ondan sonra təbii ki, məqsəd medal qazanmaq və Rio-de-Janeyroda bayrağımızı ucaltmaqdır".
M.Vasileva bildirib ki, idmançıların əhval-ruhiyyəsi yüksək səviyyədədir: "Olimpiya Oyunlarına yüksək səviyyədə hazırlaşmışıq. Azərbaycan xalqı bizdən yüksək nəticələr gözləyir. Əlimizdən gələni edəcəyik ki, Azərbaycan xalqını sevindirək. İnanırıq ki, hər şey yaxşı olacaq".
Qeyd edək ki, Rio-de-Janeyroda keçiriləcək Yay Olimpiya Oyunlarında iştirak edəcək Azərbaycan idmançıları və nümayəndə heyətinin üzvləri bu gecə Braziliyaya yola düşüb.