...

BDU-da “Diaspor dərsi” keçirilib (FOTO)

Cəmiyyət Materials 1 Mart 2017 16:29 (UTC +04:00)
Bakı Dövlət Universitetində (BDU) Diaspor Jurnalistləri Birliyinin könüllü olaraq “Ali məktəblərdə diaspor dərsləri” layihəsinin ilk dərsi keçirilib.
BDU-da “Diaspor dərsi” keçirilib (FOTO)

Bakı. Trend:

Bakı Dövlət Universitetində (BDU) Diaspor Jurnalistləri Birliyinin könüllü olaraq “Ali məktəblərdə diaspor dərsləri” layihəsinin ilk dərsi keçirilib.

Universitetdən Trend-ə verilən məlumata görə, BDU-nun Tələbə Həmkarlar İttifaqı Komitəsinin sədri Daşqın Qənbərov tədbiri açaraq iştirakçıları və qonaqları salamlayıb, layihənin ilk olaraq Bakı Dövlət Universitetində keçirilməsindən məmnunluğunu ifadə edib.

Diaspor Jurnalistləri Birliyinin sədri Fuad Hüseynzadə layihənin məqsədindən danışaraq əsas hədəflərin tələbə-gənclərin Azərbaycan diasporu haqda düşüncəsini inkişaf etdirmək, gənclərin informasiya müharibəsinin aparılmasında rolunu gücləndirmək olduğunu qeyd edib.

Daha sonra “Hollandiya Azərbaycan Evi”nin sədri Elxan Mirhəşimli, Qırğızıstan Xarici İşlər Nazirliyinin Diplomatik Akademiyasının magistri olmuş gənc politoloq Elvin Babayev və Diaspor Jurnalistləri Birliyinin baş katibi Siyavuş Əmirlinin çıxışları maraqla dinlənilib. Çıxış edənlər məlumat və maarifləndirmə xarakterli “Diaspor dərsi”də ulu öndər Heydər Əliyevin “azərbaycançılıq ideologiyası”nın xaricdəki azərbaycanlıların vahid ideya ətrafında birləşməsində rolu, Azərbaycan dövlətinin diasporun inkişafı istiqamətində gördüyü işlər, xaricdəki tələbə-gənclərimizin diaspor fəaliyyətinin perspektivləri, Azərbaycan gənclərinin informasiya müharibəsinin aparılmasında rolu mövzularından ətraflı bəhs ediblər.

Məqalədə:
Xəbər lenti

Xəbər lenti