...

İcazəsiz kompüter sisteminə daxil olmaq baha başa gələcək

Cəmiyyət Materials 6 İyun 2017 18:28
Azərbaycanda kompüter sisteminə icazəsiz daxil olmağa görə cərimə artırılıb.
İcazəsiz kompüter sisteminə daxil olmaq baha başa gələcək

Trend-i buradan izləyin

Bakı. Elçin Mehdiyev - Trend:

Azərbaycanda kompüter sisteminə icazəsiz daxil olmağa görə cərimə artırılıb.

Trend-in məlumatına görə, bu, Cinayət Məcəlləsinin 271-ci maddəsinə edilən dəyişiklikdə öz əksini tapıb.

Məcəlləyə edilən dəyişikliyə əsasən, kompüter sisteminə və ya onun hər hansı bir hissəsinə daxil olmaq hüququ olmadan həmin sistemə və ya onun hər hansı bir hissəsinə mühafizə tədbirlərini pozmaqla, yaxud burada saxlanılan kompüter məlumatlarını ələ keçirmək və ya başqa şəxsi niyyətlə qəsdən daxil olmağa görə cərimə 2000 manatdan 4000 manatadək miqdarda müəyyən edilib. Bundan əvvəl isə eyni əmələ görə cərimə 1000 manatdan 2000 manatadək idi.

Eyni əməllər təkrar törədildikdə, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən törədildikdə, vəzifəli şəxs tərəfindən öz qulluq mövqeyindən istifadə etməklə törədildikdə isə cərimə məbləği 4000 manatdan 6000 manatadək (bundan əvvəl 2000 manatdan 3000 manatadək) məbləğdə müəyyən edilib.

Dəyişikliklər Milli Məclis tərəfindən təsdiq edilib.

Məqalədə:
Xəbər lenti

Xəbər lenti