...

Nərəcinsli balıq ovuna qadağa yenidən gündəmə gətiriləcək

Cəmiyyət Materials 14 İyun 2017 07:44 (UTC +04:00)
Xəzər dənizində nərəcinsli balıqların kommersiya (sənaye) ovuna qadağanın (moratoriumun) qoyulması məsələsi bu il yenidən gündəmə gətiriləcək.
Nərəcinsli balıq ovuna qadağa yenidən gündəmə gətiriləcək

Bakı. İlhamə İsabalayeva – Trend:

Xəzər dənizində nərəcinsli balıqların kommersiya (sənaye) ovuna qadağanın (moratoriumun) qoyulması məsələsi bu il yenidən gündəmə gətiriləcək.

Bunu Trend-ə Azərbaycan Ekologiya və Təbii Sərvətlər Nazirliyinin Elmi-Tədqiqat Balıqçılıq Təsərrüfatı İnstitutunun direktoru Mehman Axundov deyib.

Onun sözlərinə görə, Xəzəryanı ölkələr yaxın illər ərzində nərəcinsli balıqların kommersiya ovuna moratorium qoymaq niyyətindədirlər.

M.Axundov qeyd edib ki, moratoriumun qoyulması, onun icra mexanizminin hazırlanması məsələsi Xəzəryanı ölkələrin imzaladığı sazişə əsasən, dövlətlərarası Xəzər dənizi Su Bioresursları Komissiyasının Azəbaycanın paytaxtı Bakı şəhərində keçiriləcək birinci sessiyasında müzakirə ediləcək. Noyabrda keçirilməsi planlaşdırılan iclasda Xəzərin Su Bioresursları Komissiyasında təmsil olunan ölkələrin hökumət nümayəndələri iştirak edəcəklər.

M.Axundov deyib ki, Xəzərdə nərəcinsli balıqlara moratoriumun qoyulması təklifini ilk dəfə Qazaxıstan Prezidenti Nursultan Nazarbayev irəli sürüb. 2014-cü ilin sentyabr ayında Rusiyanının Həştərxan şəhrində keçirilən Xəzəryanı ölkələrin Dövlət Başçılarının IV Zirvə Görüşündə qəbul olunan protokolda Xəzəryanı ölkələrin hökumətlərinə Xəzər Dənizi Su Biloloji Resurları Komissiyasının təsnifatlaşdırıcı statusdan hökumətlərarası statusuna qaldırılması barədə sazişin razılaşdırılması tapşırılıb. 2016-cı ilin ortlalarında bu sazişə bütün Xəzəryanı ölkələr qoşulublar: "Bu ilin payızında həmin komissiyanın dövlətlərarası statusla 1-ci iclası keçiriləcək. Nəticə olaraq, nərə balığı növlərinin kommersiya ovuna moratoriumun qoyulması haqqında saziş layihəsi imzalanmaq üçün Xəzəryanı ölkələrin hökumətlərinə təqdim oluna bilər. Artıq Xəzəryanı ölkələr nərəcinsli balıqların ovuna moratoriumun qoyulmasının reallaşmasına yaxınlaşırlar".

İnstitut direktoru qeyd edib ki, ümumilikdə 2011-ci ildən başlayaraq, Xəzəryanı ölkələrin hamısı nərəcinli balıqların sənaye ovuna texniki moratorium tətbiq edir: "Bu, o deməkdir ki, dövlətlərarası saziş olmasa da, biz bir-birimizə bu balıqları ovlamamaq barəsində söz vermişik. Bu balıqlar yalnız balıqartırma məqsədləri, qismən, yəni çox kiçik həcmdə də elmi-tədiqat məqsədləri üçün ovlana bilər. Amma moratoriumun tətbiqi barədə qərar qəbul oldunqudan sonra bu, artıq başqa - dövlətlərarası status səviyyəsində həyata keçiriləcək".

M.Axundov qeyd edib ki, moratoriumun tətbiqi üçün 5 Xəzəyanı ölkənin hökumətləri birgə qərar verə bilərlər. Bu, isə dövlətlərarası saziş əsasında mümkün ola bilər.

Məqalədə:
Xəbər lenti

Xəbər lenti