Bakı. Samir Əli - Trend:
İnterpol daha bir azərbaycanlını axtarışa verib. Trend-in məlumatına görə, 1954-cü il təvəllüdlü Elsevir Əliyev haqqında Azərbaycan məhkəmə orqanları həbs qəti imkan tədbiri seçib. E.Əliyev istintaqdan yayındığı üçün onun barəsində axtarış elan olunub. Həmin məhkəmə qərarına əsasən, E.Əliyev barəsində İnterpol tərəfindən beynəlxalq axtarış elan olunub.
E.Əliyev Azərbaycan Cinayət Məcəlləsinin 178-ci (külli miqdarda dələduzluq) maddəsilə ittiham olunub.