...

Uşaq paralimpiyaçılarımız boçça üzrə beynəlxalq yarışda (FOTO)

Cəmiyyət Materials 19 Avqust 2017 11:23 (UTC +04:00)
Bu dəfə boçça idman növü üzrə iki idmançımız ilk dəfə olaraq beynəlxalq turnirdə Azərbaycanı təmsil edəcək.
Uşaq paralimpiyaçılarımız boçça üzrə beynəlxalq yarışda (FOTO)

Bakı. Trend:

"Azercell Telekom" MMC-nin dəstəyi ilə yaradılan Uşaq Paralimpiya Komitəsində müxtəlif idman yarışları üzrə beynəlxalq turnirlərdə iştirak edən və kifayət qədər qələbə qazanan paralimpiyaçılarımız daha bir yarışa hazırlaşırlar. Bu dəfə boçça idman növü üzrə iki idmançımız ilk dəfə olaraq beynəlxalq turnirdə Azərbaycanı təmsil edəcək. 4-9 sentyabr tarixlərində Rusiyanın Moskva şəhərində keçiriləcək turnirdə İngiltərə və Polşa kimi favorit sayılan ölkələr də iştirak edəcək.

"Azercell" Uşaq Paralimpiya Komitəsinin fəaliyyətini dəstəkləyərək yeniyetmələrin cəmiyyətə inteqrasiyasını və idmana olan həvəsini artırmağa çalışır. Şirkətin dəstəyi ilə 2014-cü ildən fəaliyyət göstərən Uşaq Paralimpiya Komitəsi ölkəmizin müxtəlif ərazilərindən uşaq və gəncləri öz ətrafına toplayıb, onlara idmanla məşğul olmaq, müxtəlif beynəlxalq yarışlarda Azərbaycanı təmsil etmək imkanı verib.

"Azercell" Azərbaycanda fəaliyyət göstərdiyi 21 il ərzində kimsəsiz, müxtəlif problemləri olan uşaqların hərtərəfli dəstəklənməsi, sağlamlığının qorunması, onların keyfiyyətli təhsil alması, sağlam həyat tərzi keçirməsi üçün çalışıb və bundan sonra da öz diqqət və qayğısını əsirgəməyəcək.

Daha ətraflı məlumat üçün: [email protected]

Məqalədə:
Xəbər lenti

Xəbər lenti