Bakı. Samir Əli - Trend:
Qafqaz Müsəlmanları İdarəsinin sədri şeyxülislam Allahşükür Paşazadə Rusiyanın Kemerovo şəhərindəki ticarət mərkəzində baş vermiş yanğında çox sayda insanın həlak olması ilə əlaqədar başsağlığı verib.
Trend-in məlumatına görə, A.Paşazadə bu hadisənin, xüsusən də yanğın vaxtı çox sayda uşağın ölümünün onu sarsıtdığını bildirib: "İnanıram ki, gələcəkdə bu kimi hadisələr baş verməyəcək".
Qeyd edək ki, martın 25-da Kemerovo şəhərindəki "Zimnyaya vişnya" ticarət mərkəzində baş vermiş yanğın nəticəsində 41-i uşaq olmaqla, 64 nəfər həlak olub. Bu gün zərəçəkənlərin sayının isə 76-ya çatdığı bildirilib.