...

Görkəmli alimlərin adına mükafatlar təsis edildi

Cəmiyyət Materials 24 Aprel 2019 17:44 (UTC +04:00)
Bu gün Azərbaycan Milli Elmlər Akademiyası Rəyasət Heyəti görkəmli alimlərin adına AMEA-nın mükafatlarının təsis edilməsi haqqında qərar qəbul edib.
Görkəmli alimlərin adına mükafatlar təsis edildi

Bakı. İlhamə İsabalayeva - Trend:

Bu gün Azərbaycan Milli Elmlər Akademiyası Rəyasət Heyəti görkəmli alimlərin adına AMEA-nın mükafatlarının təsis edilməsi haqqında qərar qəbul edib.

Trend-in məlumatına görə, RH-nin bu gün keçirilən iclasında Azərbaycanın görkəmli alimlərinin adına AMEA-nın mükafatlarının təsis edilməsi məsələsi müzakirə olunub.

Tədbirdə elmin inkişafına böyük töhfələr verən və mühüm elmi nailiyyətlər qazanan alimləri daha yüksək səviyyəli tədqiqatlar aparmağa həvəsləndirmək, həmçinin Azərbaycanın bir sıra görkəmli alimlərinin xatirəsini əbədiləşdirmək məqsədilə AMEA-nın mükafatlarının təsis edilməsinin zəruriliyi vurğulanıb.

İclasda “Akademik Əşrəf Hüseynov adına mükafat”, “Akademik Əli Quliyev adına mükafat”, “Akademik Mirəli Qaşqay adına mükafat”, “Akademik Ələşrəf Əlizadə adına mükafat”, “Akademik Vahab Əliyev adına mükafat”, “Akademik Cəlal Əliyev adına mükafat”, “Akademik Məmmədcəfər Cəfərov adına mükafat” və “Abbasqulu ağa Bakıxanov adına mükafat”ın təsisi haqqında qərar qəbul edilib.

Məqalədə:
Xəbər lenti

Xəbər lenti