Bakı. İlhamə İsabalayeva - Trend:
Respublika üzrə ümumən tibb işçiləri arasında 681 nəfərdə yoluxma halı qeydə alınıb.
Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.
O əlavə edib ki, bu, ümumi yoluxma hallarının 18 faizini təşkil edir. Onların əksəriyyəti kiçik və orta tibb işçiləri olub. Həmçinin 537 nəfər tibb işçisi sağalıb, digərlərinin müalicəsi davam etdirilir. Bu günədək tibb işçilərindən 4 nəfər ölüb.
R.Bayramlı qeyd edib ki, bu gün 106 nəfərdə koronavirusa yeni yoluxma faktı aşkar edilib. Ümumilikdə bu günədək 3 855 yoluxma faktı olub, 2 399 nəfər isə sağalaraq evə göndərilib.
Onun sözlərinə görə, Operativ Qərargah ötən həftə ərzində pandemiya ilə mübarizə istiqamətində əks-epidemik tədbirlərini davam etdirib, müzakirələr aparılıb və müvafiq qərarlar qəbul edilib.