Bakı. Asif Mehman - Trend:
Xəstəliyin yayılmasının qarşısını almaq üçün əyləncə mərkəzləri və kinoteatrların fəaliyyətinin bərpası gündəmdə deyil.
Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) infeksion xəstəliklər üzrə işçi qrupunun rəhbəri, infeksionist Vasif Əliyev Nazirlər Kabineti yanında Operativ Qərargahın brifinqində bildirib.
Onun sözlərinə görə, mövcud sanitar-epidemioloji durum əyləncə mərkəzlərinin və kinoteatrların fəaliyyətinin bərpasına imkan vermir. Bu sahənin lazımlılıq dərəcəsi aşağı olduğuna görə, bu fəaliyyət sahələrinin bərpası müzakirə olunmur.