Bakı. İlhamə İsabalayeva - Trend:
Biz Qarabağ uğrundakı döyüşlərə 30 il ərzində yaşadığımız həsrətlə atılmışdıq.
Trend-in məlumatına görə, bunu baş leytenant Qədir Daşdəmirov deyib.
Müharibənin elə ilk günündə - sentyabrın 27-də Füzulidə ermənilərin əks-hücumunun qarşısının alınması zamanı yaralandığını açıqlayan Q.Dasdəmirov əlavə edib ki, döyüşən şəxsi heyətdə yüksək mənəvi-psixoloji ruh yüksəkliyi var idi:
"Biz şəxsi heyət olaraq, mənəvi-psixoloji baxımdan bu müharibəyə hazır idik. Gözümüzdə qorxu hissi yox idi. Ölümə gülə-gülə gedirdik ki, bu Vətən həsrətini bitirək".