Bakı. Samir Əli - Trend:
"Azərbaycan Ordusu" qəzetinin baş redaktoru vəzifəsində xidmət edən polkovnik-leytenant İlham Behbudov Müdafiə nazirinin müvafiq əmrinə əsasən 2021-ci il fevralın 12-dən "Həqiqi hərbi xidmətdə olmağın son yaş həddi"nə görə ehtiyata buraxılıb.
Bu barədə Müdafiə Nazirliyinin Mətbuat xidmətindən Trend-ə məlumat verilib.
Hazırda qəzetə rəhbərlik baş redaktorun müavini vəzifəsinə təyin olunan kapitan Məhəmməd Nəsirliyə həvalə edilib.