Bakı. Çingiz Səfərli - Trend:
Diplomaların tanınması ilə bağlı imtinalar əsasən 2 kateqoriya üzrə verilir.
Trend xəbər verir ki, bunu Təhsildə Keyfiyyət Təminatı Agentliyinin sədri Eldar Orucov deyib.
Onun sözlərinə görə, bu, sərhədkeçmə və dil məsələsi ilə əlaqədardır.
"Araşdırmalar zamanı məlum olur ki, vətəndaşlar tədris müddətində təhsil aldıqları ölkədə yetərli müddət olmurlar. Digər tərəfdən dil üzrə əyani biliklər yoxlanılır. Anlamaq, imtahanlarda qiymət üçün baza dil biliklərinə yiyələnib-yiyələnmədikləri müəyyən edilir. Statistikalar göstərir ki, müraciətlərinə imtina verilənlərin müəyyən hissəsi təhsil aldıqları dili bilmir"