Bakı. Çingiz Səfərli - Trend:
Təhsil Nazirliyinin Əsaslı Tikinti və Təchizat İdarəsinin sifarişi ilə ölkə üzrə 55 təhsil müəsissəsində təmir və tikinti işləri aparılır.
Bu barədə Trend-in sorğusuna cavab olaraq Təhsil Nazirliyindən məlumat verilib.
Bildirilib ki, təmir və tikinti işləri aparılan müəssisələrdən 7-si Bakı şəhərində, 48-i (30 rayon üzrə o cümlədən Cəbrayıl, Ağdam rayonları və Şuşa şəhəri) isə regionlardadır.
"Bunlardan 3 peşə liseyi və 4 məktəbdənkənar təhsil müəssisəsində də əsaslı təmir və tikinti işləri aparılır" - deyə məlumatda qeyd olunub.