Bakı. Humay Ağacanova - Trend:
"Pfizer-Biontech" vaksini regionlar üzrə təyin olunan tibb müəssisələrinə təhvil verilir.
Bu barədə Trend-in sorğusuna cavab olaraq İcbari Tibbi Sığorta üzrə Dövlət Agentliyindən məlumat verilib.
Qeyd olunub ki İcbari Tibbi Sığorta üzrə Dövlət Agentliyi ölkənin müvafiq qurumları tərəfindən müəyyənləşdirilən tələbata uyğun vaksin alışını həyata keçirir.
"Agentlik tərəfindən alınan vaksinlər seriya üzrə son istifadə tarixi qeyd edilməklə Nazirlər Kabineti yanında Operativ Qərargahın göstərişinə əsasən Səhiyyə Nazirliyinə təhvil verilir və vaksinlərin tibb müəssisələrinə bölgüsü bu qurum tərəfindən həyata keçirilir", - deyə məlumatda bildirilib.