Bakı. Trend:
Bakıda binadan yıxılan ana və azyaşlı övladının adları məlum olub.
Trend-in məlumatına görə, hadisə paytaxtın Nizami rayonu, Qara Qarayev küçəsi 116 ünvanında baş verib.
Həmin binanın 7-ci mərtəbəsində yaşayan 2020-ci il təvəllüdlü
Umalatova Tamerlan Tofiq oğlu balkondan 6-cı mərtəbənin balkonuna
yıxılıb. Bunu görən ana 1995-ci il təvəllüdlü
Umalatova Rövşanə Rövşən qızı uşağı tutmaq istəyərkən müvazinətini
itirərək uşağın arxasınca yıxılıb.
Qeyd edək ki, hər iki şəxsə ilkin tibbi yardım göstərilib, həyatları üçün hər hansı təhlükə yoxdur.
2020-ci il təvəllüdlü körpədə ümumi səthi travmalar və sıyrıqlar aşkarlanıb. Körpəyə dərhal ultrasəs müayinəsi edilib və hər hansı daxili zədələr aşkarlanmayıb. Hazırda vəziyyəti stabildir.
1995-ci il təvəllüdlü anada müəyyən əzik və kiçik travmalar müşahidə olunub. 20 həftəlik hamilə olan qadına ilkin tibbi yardım göstərilib, ultrasəs müayinəsi edilərək, Mərkəzin Doğum-Ginekologiya şöbəsinə köçürülüb. Vəziyyəti kafi qiymətləndirilir.