Bakı. Trend:
Şəhid Səbuhi Əhmədovun vərəsəsi kimi qardaşı Sənan Əhmədova 11000 manat məbləğində birdəfəlik ödəmə təyin olunub.
Bunu Trend- ə açıqlamasında Dövlət Sosial Müdafiə Fondunun İctimaiyyətlə əlaqələr departamentinin müdiri Rəşad Mehdili bildirib.
O qeyd edib ki, Sənan Əhmədov aidiyyəti qurumdan vərəsəsi olmasını təsdiq edən sənədləri 4 oktyabrda təqdim edib, elə həmin gün də ona birdəfəlik ödəmə təyin olunub.
"Vətəndaşın müvafiq bank hesabına artıq ödəniş həyata keçirilib. Bu barədə ona məlumat verilib. 5 oktyabr tarixindən o banka yaxınlaşaraq kartını əldə edib, birdəfəlik ödənişini ala bilər" - deyə əlavə edib.
Hər iki valideynini itirən, SOS uşaq kəndində böyüyən Səbuhi Əhmədov sentyabrda Ermənistanın təxribatının qarşısını alarkən şəhid olub.