...

“Himayədar ailə” qayğı modelinə dair növbəti təlimlər keçirilib (FOTO)

Cəmiyyət Materials 1 Dekabr 2022 17:53 (UTC +04:00)
“Himayədar ailə” qayğı modelinə dair növbəti təlimlər keçirilib (FOTO)

Trend-i buradan izləyin

Bakı. Trend:

Əmək və Əhalinin Sosial Müdafiəsi Nazirliyi ilə Türkiyənin Ailə və Sosial Xidmətlər Nazirliyi arasındakı əməkdaşlıq memorandumu çərçivəsində qardaş ölkədə “Himayədar ailə” qayğı modelinə dair növbəti təlimlər keçirilib.

Nazirlikdən Trend-ə verilən məlumata görə, himayədar ailə üzrə mütəxəssislər tərəfindən tədris olunan təlimlərə Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin müvafiq sahədə çalışan əməkdaşları cəlb olunub.

İştirakçılara himayədar ailə sahəsində qanunvericilik, qayğı modelinin mexanizmi, himayədar valideyn olmaq istəyən şəxslərlə peşəkar müsahibə aparılmasının üsulları mövzularında biliklər aşılanıb.

Qardaş ölkənin təcrübəsinə əsaslanan təlimlərdə həmçinin sosial və psixo-sosial dəstək xidmətinin prosedurları və prinsipləri ilə bağlı mövzular əhatə olunub.

Məqalədə:
Xəbər lenti

Xəbər lenti