Bakı. Trend:
DTX-nin Mədəniyyət Mərkəzində Xalq yazıçısı Çingiz Abdullayevin "Alyans" Azərbaycan Xüsusi Xidmət Orqanları Veteranlarının İctimai Birliyinin üzvləri ilə görüşü keçirilib.
Yazıçı öz yaradıcılığı və peşə fəaliyyətindən, müasir dövrdə ədəbiyyatın mahiyyətindən və onun insanlara təsirindən, həmçinin həyat yolunda qarşılaşdığı maraqlı hadisələrdən danışdı. Səmimi mühitdə keçən görüşdə veteranlarla fikir mübadiləsi və sual-cavab sessiyası keçirildi.
Veteranlardan Hamlet İsmayılovun (80 yaş), Ənvər Bağırovun (65 yaş), Ağalar Əliyevin (60 yaş) və Köçəri Hüseynovun (60 yaş) yubileyləri tədbirə təsadüf etmişdir. Fürsətdən istifadə edərək yubilyarlar təbrik edildi, onlara xatirə adresi və qiymətli hədiyyələr təqdim olundu.
Tədbirin yekununda Xalq yazıçısı Çingiz Abdullayev tərəfindən veteranlara şəxsi imzası ilə kitablar təqdim olundu və kollektiv xatirə şəkili çəkildi.