Bakı. Trend:
Ötən gün vəfat edən Xalq artisti, Prezident təqaüdçüsü Ramiz Novruzla vida mərasimi keçirilir.
Trend xəbər verir ki, mərhumun Yasamal rayonunda yerləşən evində keçirilən mərasimdə ailə üzvləri, sənət dostları, incəsənət xadimləri və digər şəxslər iştirak edirlər.
Qeyd edək ki, R.Novruz 25 may 1955-ci ildə Biləsuvar rayonunun Səmədabad qəsəbəsində doğulub. Teatrda xidmətlərinə görə 1993-cü ildə Əməkdar artist, 1998-ci ildə Xalq artisti fəxri adlarına layiq görülüb.
R. Novruz xərçəng xəstəliyindən əziyyət çəkirdi.
