...

Bruneydə islamafobiya ilə mübarizə yolları müzakirə edilib (FOTO)

Cəmiyyət Materials 1 İyun 2023 17:24 (UTC +04:00)
Bruneydə islamafobiya ilə mübarizə yolları müzakirə edilib (FOTO)

Bakı. Trend:

Dini Qurumlarla İş üzrə Dövlət Komitəsi (DQİDK) və Azərbaycan İlahiyyat İnstitutu (Aİİ) əməkdaşlarından ibarət nümayəndə heyətinin Bruneydə işgüzar səfəri sona çatıb.

Aİİ-dən Trend-ə verilən məlumata görə, səfər çərçivəsində Bruney Dini İşlər naziri Hacı Badaruddin ibn Pengarah Hacı Osman və Bruneyin Ali müftisi Abdul Aziz ibn Juned ilə görüşlər keçirilib.

Görüşlərdə DQİDK-nın sədr müavini Gündüz İsmayılov ölkəmizdə dövlət-din münasibətlərindən geniş bəhs edib. Təmsil etdiyi qurum haqqında məlumat verən sədr müavini bildirib ki, Komitə dini fəaliyyət sahəsində dövlət siyasətini həyata keçirən orqandır.

Ölkəmizdə bütün dinlərin nümayəndələrinin sülh şəraitində yaşadıqlarını, istər dini, istərsə də milli və irqi ayrı-seçkiliyin olmadığını qeyd edən G.İsmayılov daha sonra bildirib ki, Azərbaycandakı mövcud tolerant və multikultural mühit dünyaya nümunədir.

G.İsmayılov, həmçinin islamafobiya ilə mübarizə üsullarından bəhs edərək vurğulayıb ki, Azərbaycan dövləti bu istiqamətdə müxtəlif tədbirlər həyata keçirir, ölkəmiz İslam mədəniyyətinin xaricdə təbliğinə böyük önəm verir.

Aİİ rektoru, dosent Aqil Şirinov ali təhsil müəssisəsinin fəaliyyəti, mövcud təhsil pillələri, ixtisaslar, təqaüd proqramları, ödənişsiz təhsil imkanları, İnstitutun beynəlxalq əlaqələri, xarici universitetlərlə bağlanmış müqavilələr haqqında geniş məlumat verib.

Görüşlərdə islamafobiya ilə mübarizə yolları, din təhsili sahəsində ikitərəfli əməkdaşlıq əlaqələrinin yaradılması, birgə layihələrin həyata keçirilməsi barədə müzakirələr aparılıb.

Qeyd edək ki, Azərbaycanın Malayziyadakı Səfirliyinin və “İdrak” İctimai Birliyinin təşkilatçılığı ilə keçirilən işgüzar səfərdə DQİDK-nın sədr müavini Gündüz İsmayılov, Aİİ rektoru, dosent Aqil Şirinov, ali təhsil müəssisəsinin rektor köməkçisi Emin Orucov və İnstitutun xarici əlaqələr üzrə baş mütəxəssisi Şahin Ələsgərov iştirak ediblər.

Məqalədə:
Xəbər lenti

Xəbər lenti