Füzuli. Trend:
Bu il Şuşa şəhərində yeni məktəbin istifadəyə verilməsi planlaşdırılır.
Trend-in məlumatına görə, bunu Füzulidə Mirzə Uluqbəy adına 1 nömrəli tam orta məktəbdə elm və təhsil naziri Emin Əmrullayev jurnalistlərə açıqlamasında deyib.
O bildirib ki, Zabux qəsəbəsində 100-dən artıq şagird bu tədris ilinin sonuna kimi təhsilə qoşulacaq.
“Ağalı kəndində də məktəbimizin fəaliyyəti gündən-günə genişlənir. Ötən il orada cəmi 70-ə qədər şagird var idisə, artıq həmin məktəbdə 120 şagirdlə təhsili davam etdirir. Eyni zamanda, Talış kəndində də məktəbimizdə təhsil davam edir. Şuşa şəhərində olan 1 saylı məktəbdə tədrisin ikinci yarımildən təşkilini gözləyirik”, - deyə nazir əlavə edib.
