Bakı. Trend:
Bakı Şəhəri üzrə Təhsil İdarəsinin müdiri Mehriban Vəliyeva yeni vəzifəyə təyin edilib.
Trend xəbər verir ki, bu barədə müvafiq əmr imzalanıb.
M.Vəliyeva Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinə direktor müavini vəzifəsinə təyin olunub. Bakı Şəhəri üzrə Təhsil İdarəsinin müdiri vəzifəsini isə icra edir.
Xatırladaq ki, Mehriban Vəliyeva müvafiq əmrlə 2020-ci il 11 dekabr tarixində Bakı Şəhəri üzrə Təhsil İdarəsinin müdiri vəzifəsinə təyin edilmişdi.