Bakı. Trend:
Azərbaycanda mülki pilotsuz uçuş aparatlarının layihələndirilməsinə və istehsalına dair tələblər müəyyənləşib.
Trend xəbər verir ki, bu barədə məsələ Milli Məclisin bu gün keçirilən iclasında müzakirə edilən “Aviasiya haqqında” qanun layihəsində əks olunub.
Layihəyə əsasən, mülki pilotsuz uçuş aparatı aşağıdakı tələblər nəzərə alınmaqla layihələndiriləcək və istehsal olunacaq:
Qanun layihəsində qeyd edilir ki, pilotsuz uçuş aparatı
sistemləri əməliyyatının iştirakçısının, havada və yerdə olan
pilotsuz uçuş aparatı sistemləri əməliyyatının iştirakçısı olmayan
şəxslərin, o cümlədən mülkiyyətin təhlükəsizliyini təmin etməli,
istənilən uçuş şəraitində yarana biləcək risklərə mütənasib
davamlılıq nümayiş etdirməli, istismar olunduğu istənilən şəraitdə,
həmçinin sistemlərin biri, yaxud bir neçəsində nasazlıq baş
verdikdə, təhlükəsiz idarə edilə bilən və manevr qabiliyyətinə
malik olmalı, onların mühərrikləri, pərləri, hissələri,
quraşdırılmamış avadanlığı və məsafədən idarə edilməsi üçün
avadanlığının bütün istismar şəraitlərində saz işləməsi, habelə hər
hansı nasazlıq zamanı yerdə olan üçüncü şəxslərin və digər hava
məkanı istifadəçilərinin təhlükəsizliyinə qarşı yarana biləcək
riskləri azaltmalı və pilotsuz uçuş aparatını məsafədən idarə etmək
üçün nəzərdə tutulmuş avadanlıqları ilə uçuş əməliyyatlarını
asanlaşdırmalı, habelə ehtimal olunan hər hansı vəziyyət və
fövqəladə halların idarə edilməsini mümkün etməlidir.
Müzakirələrdən sonra layihə səsverməyə qoyularaq üçüncü oxunuşda
təsdiq olunub.