Bakı. Trend:
Bu gün saat 10:00-dan etibarən “Digah-Bilgəh” orta təzyiqli qaz kəmərində yeraltı qaz sızmasının aradan qaldırılması məqsədi ilə qaz təchizatı dayandırılacaq.
Trend xəbər verir ki, bu barədə “Azəriqaz” İB məlumat yayıb.
Eyni zamanda, Şəki rayonunun M.Ə.Rəsulzadə prospektində yeni qaz xəttinin mövcud mənbəyə qoşulması ilə əlaqədar saat 09:30-dan işlər başa çatanadək “Şəki” QTM-dən qaz təchizatının dayandırılması planlaşdırılıb.
Fasilələrdən paytaxtın Sabunçu rayonunun Pirşağı qəsəbəsi, Ləhiş bağları, 2-ci Sovxoz ərazisi, həmçinin Şəki şəhəri və rayonun İnçə, Qoxmuq, Oxud kəndləri təsirlənəcək.