Bakı.Trend:
“İçərişəhər” Dövlət Tarix-Memarlıq Qoruğu İdarəsinin təşəbbüsü ilə Qala Dövlət Tarix-Etnoqrafiya Qoruğunda genişmiqyaslı iməcilik aksiyası təşkil olunub.
Trend xəbər verir ki, bu barədə “İçərişəhər” Dövlət Tarix-Memarlıq Qoruğu İdarəsi məlumat yayıb.
Aksiya çərçivəsində qoruğun ərazisində yerləşən qədim hamamlar, göl kənarı, heyvanxana kompleksi və digər mühüm tarixi obyektlərdə təmizlik və ilkin bərpa yönümlü tədbirlər həyata keçirilib. Məqsəd Qala qoruğunun tarixi irsinin qorunması, abadlaşdırılması və gələcək nəsillərə sağlam formada ötürülməsi istiqamətində ictimai iştirakçılığı və yerli əhalinin məsuliyyət hissini gücləndirmək olub.
Bu təşəbbüsdə Qala və İçərişəhər sakinləri ilə yanaşı bir sıra qurumlar iştirak edib.
