...

Əfv fərmanı imzalanmayacaq

Cəmiyyət Materials 31 Oktyabr 2005 13:40 (UTC +04:00)

Noyabrın 4-də Ramazan bayramı münasibəti ilə əfv fərmanı imzalanmayacaq. Bu barədə Trend ə Azərbaycan Respublikası Prezidenti yanında Əfv Komissiyasının üzvü Azay Quliyev məlumat verib.

Əfv Komissiyasının növbəti iclası isə parlament seçkilərindən sonra keçiriləcək. "Komissiyanın əksər üzvləri parlament seçkiləri ilə əlaqədar öz namizədliklərini irəli sürüblər və başları təbliğat-təşviqat işlərina qarışıb. Bu səbəbdən də qərara alınıb ki, iclas seçkilərdən sonra keçirilsin", - deyə A.Quliyev bildirib.

Komissiya üzvünün sözlərinə görə, əfvlə bağlı müraciət edənlərin sayı əvvəlkinə nisbətən çoxdur. A.Quliyev: "Son iki ay ərzində komissiya üzvü kimi təkcə mənə 70-dən artıq müraciət daxil olub. Müraciət edənlərin 50-si Əli-Bayramlı şəhərindəndir. Əfv Komissiyasının üzvləri onlara daxil olmuş müraciətləri iclasda ümumiləşdirəndən sonra Komissiyaya müraciət edənlərin ümumi sayı bəlli olacaq".

Xəbər lenti

Xəbər lenti