Fevralın 17-də Turində keçirilən Olimpiadada Azərbaycanın Kristin Freyzer - İqor Lukanin rəqs cütlüyünün çıxışı başlayır.
Trend in Qış Oyunlarının rəsmi saytına istinadən xəbər verdiyi kimi, duet Rusiyadan Oksana Domnina-Maksim Şabalin, Polşadan Aleksandra Kauç- Mixael Tsix, Yaponiyadan Nozomi Vatanabe-Akiyuki Kido və Yelena Qruşina-Ruslan Qonçarov cütlüklərinin daxil olduğu ikinci yarımqrupda çıxış edəcək.
Karyeraları ərzində bu oyunlarda artıq üçüncü dəfə iştirak edən K.Freyzer-İ.Lukanin cütlüyünün qısa çıxış proqramına əsasən, onlar "Pallavela" sarayında 5-ci çıxış edəcək. Olimpiya medalı uğrunda mübarizəyə 24 duet qoşulacaq. Yarışın favoritləri isə rusiyalı Tatyana Nakva-Roman Kostomarov cütlüyüdür.