Şimali Kipr Türk Cümhuriyyətinin nümayəndələri ilə Almaniya, Rusiya və Azərbaycan bazarlarında fəaliyyət göstərən turizm agentlikləri və operatorları arasında 2006-2007-ci illərdə bu ölkələrdən Şimali Kiprə turistlərin cəlb olunmasına dair saziş bağlanıb. Bu barədə Trend ŞKTC KİV-ə istinadən məlumat verir.
Məlumata görə, Yaxın Şərq Universitetinin ictimaiyyətlə əlaqələr idarəsinin müdiri Əhməd Savaş jurnalistlərlə söhbətində bildirib ki, bu sazişlər dünyanın 183 dövlətindən 11 min şirkətin təmsil olunduğu "İTB-200" Berlin sərgisində bağlanıb.
Ə.Savaşın sözlərinə görə, qeyd olunan ölkələrin KİV-də reklam bloklarının yerləşdirilməsi də nəzərdə tutulur.