ABŞ-ın Florida ştatında yaşayan soydaşlarımızın təşəbbüsü ilə Florida Azərbaycanlıları Cəmiyyəti təsis olunub. Bu barədə Trend ə hazırda ABŞ-da səfərdə olan Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov məlumat verib.
O bildirib ki, noyabrın 14-də axşam saatlarında Mayami şəhərində həmin Cəmiyyətin təsis konfransı keçirilib. Cəmiyyət ABŞ-ın Florida ştatında yaşayan azərbaycanlıları öz ətrafında birləşdirəcək. Təsis konfransında Nazim İbrahimov da çıxış edib, belə təşkilatların yaradılmasının Amerikadakı Azərbaycan diasporunun inkişafı, təşkilatlanması, güclənməsi baxımından böyük əhəmiyyət kəsb etdiyini deyib.