Azərbaycan, Bakı / Trend müxbir İ.Əlizadə/ Martın 7-də Apellyasiya Məhkəməsində Azərbaycan Xalq Cəbhəsi partiyasının (AXCP) sədri Əli Kərimlinin pasport ala bilməməsi ilə bağlı şikayətinə baxılıb.
AXCP sədrinin vəkili Tofiq Quliyev bildirib ki, hakim Mirzə Tağızadənin sədrliyi ilə keçirilən prosesdə o və Nəsimi Rayon Prokurorluğunun nümayəndəsi çıxış ediblər. Vəkilin sözlərinə görə, ötən prosesdə hakim Ə.Kərimli barəsində 1994-cü ildə qaldırılmış cinayət işinin indiyədək niyə ləğv olunmaması barədə AXCP sədrinin göndərdiyi sorğunu cavablandırmağı tapşırmışdı. Martın 7-də baş tutan prosesdə prokurorluğun nümayəndəsi sorğuya cavab verildiyini deyib. O, cavab məktubunun Ə.Kərimliyə göndərildiyini bildirsə də, məktubun reyesterdə qeydiyyata alınmadığı aşkarlanıb.
Hər iki tərəfi dinlədikdən sonra hakim prosesi martın 14-dək təxirə salıb. Həmin gün məhkəmənin iş üzrə qərarın elan edəcəyi gözlənilir.Hər iki tərəfi dinlədikdən sonra hakim prosesi martın 14-dək təxirə salıb. Həmin gün məhkəmənin iş üzrə qərarın elan edəcəyi gözlənilir.Xatırladaq ki, 2006-cı ildə Daxili İşlər Naziliyinin Pasport və Vətəndaşların Qeydiyyatı İdarəsi Ə.Kərimli barəsində 1994-cü ildə qaldırılmış cinayət işinin ləğv olunmadığını bildirərək ona pasport verməkdən imtina edib. Ə.Kərimli bununla bağlı Nəsimi Rayon Prokurorluğuna göndərdiyi sorğuya cavab ala bilmədiyinə görə Nəsimi Rayon Məhkəməsinə müraciət edib. Nəsimi məhkəməsi iddianı təmin etməyəndən sonra Ə.Kərimli apellyasiya şikayəti verib.
.