Azərbaycan, Bakı / Trend müxbir K Zərbalıyeva / İnsan alveri ilə məşğul olan daha bir qadın saxlanılıb. Daxili İşlər Nazirliyindən çərşənbə axşamı bildirilib ki, qadınları Türkiyəyə aparıb cinsi istismara məruz qoyması faktı ilə əlaqədar aprelin 4-də DİN-in İnsan Alverinə Qarşı Mübarizə İdarəsi əməkdaşları tərəfindən tutulan Sumqayıt şəhər sakini Sonabəyim Rüstəmovanın ətrafında aparılmış əməliyyat tədbirləri nəticəsində onun Bakı şəhər sakini Çimnaz Məmmədova ilə birgə insan alveri ilə məşğu olaraq gəlir əldə etmək məqsədilə qadınları Türkiyəyə aparıb cinsi istismara məruz qoyması müəyyən edilib, Məmmədova istintaqa cəlb edilib.
.