Azərbaycan, Bakı / Trend müxbir S.İlhamqızı/ "Azər-Çex" Cəmiyyətinin təşəbbüsü ilə Çexiyanın paytaxtı Praqada açılan "Azərbaycan Evi" Azərbaycan dili kursları və "bazar günü" məktəbi təşkil edəcək. Bu barədə "Azər-Çex" Cəmiyyətinin sədri Elşən Nəzərov məlumat verib.
Onun sözlərinə görə, "Azərbaycan Evi" milli mədəniyyətimizin və tariximizin parlaq nümunələrini təbliğ edəcək, Azərbaycanın təbliği, təqdimatı ilə məşğul olacaq. Hal-hazırda "Azərbaycan Evi"ndə müasir Azərbaycan rəssamlarının rəsmləri sərgilənir.