Azərbaycan, Bakı /müx. Trend Z.Səfərov/ Olimpiada-2016-nın keçirilməsi üçün namizədliyini irəli sürən Madrid Bakı ilə ciddi rəqabətə hazırlaşır.
"Sport-Ekspress" nəşrinə görə, İspaniya paytaxtının rəhbərliyi "Atletiko" rəhbərliyi ilə saziş imzalayıb. Bu sazişə əsasən, komanda "Visente Kalderon" stadionundan hazırda təmir işləri aparılan yeni arenaya köçəcək. Belə bir zərurət şəhərin Olimpiada-2016-nın qəbuluna hazırlığı ilə əlaqədər yaranıb.
"Atletiko" ilə anlaşmaya əsasən, klub şəhərin cənub-şərqində yerləşən "Peyneta" stadionuna köçəcək. Arena "Madrid" adını daşıyacaq, tutumu isə 74 000-dək artacaq. 2016-cı ilədək kompleks şəhərə məxsus olacaq, bundan sonra isə klubun mülkiyyətinə çevriləcək.