Azərbaycan, Bakı, 2 avqust / "TrendLife" müxbir M. Mosina/ Az adam tapılar ki, mahnı dinləyərkən düşünsün. Düşünsün ki, nə oxuyur, kimə qulaq asır. Əgər müasir mahnılara oturub diqqətlə qulaq assaq, görərik ki, mahnılar necə də mənalarını itiriblər. "Ürəyim tup-tup döyündü, qəlbimdə keçdi belə hiss", və yaxud da "Ağ bəxtimi qara yazdı taleyim..." kimi mahnılarda olan bu sözlər nəyə lazımdır? Lakin bu heç kimi narahat etmir. Bu haqda "TrendLife" stajlı bəstəkar olan Eldar Mansurovla söhbət etmək qərarına gəldi.
Eldar Mansurov, bəstəkar
-Siz çoxdan mahnı bəstələyirsiniz. Yəqin ki, çox vaxt mahnını hazır mətn üzərində bəstələmisiniz. Sizcə son illər mətnlər öz mənalarını dəyişiblər?
-Dəyişilib, bu hələ çox yumşaq formada deyilir. İndiki mahnılarda məna yoxdur. Hətta elə vazxtlar olub ki, mənə verilən mahnı sözlərindən utanıb, mahnı bəstələmək istəməmişəm. Səbəb isə ondadır ki, əvvəllər senzura vardı. Senzuradan kənar sözlərə icazə vermirdilər. İndi isə bizdə sərbəstlikdir. Hər iki nəfərdən biri mahnıya sözlər yazıb, özlərini şair adlandırırlar.
-Bəs vəziyyəti necə dəyişdirmək olar?
-Sual çox çətinindir. İndiki mahnılar sifariş xarakteri daşıyır. Çox vaxt elə mahnılar yazılır ki, ad günlərinə bağışlanır.
-Siz necə hesab edirsiniz, belə mahnılar cəmiyyətə lazımdır?
-Bəlkə də cəmiyyətə lazım deyil, lakin dinləyici hazır mahnını dinləyir. Bir sözlə nə var o da dinlənir.
-Sizcə müasir azərbaycan mahnılarının böyük problemi nədir?
-Əgər biz mətnlərdən danışırıqsa deməli problem də elə budur. İş ondadır ki, Azərbaycan yeganə ölkədir ki, mahnının musiqisinə sözlərindən çox qulaq asılır. Çox vaxt müğənni türk və yaxud rus mahnılarını tərcümə edib oxuyur. Belə hallara, inanın, çox rast gəlmək olur. Özləri də fikirləşmirlər ki, bəzi sözlər var ki, öz dillərində mənalıdır, bizim dilə tərcümə edəndə çox gülməli alınır.
Flora Kərimova, müğənni
-Sizçə mahnıların mənaları niyə dəyişib?
-Sadəcə, ümumi tendensiyadır. Lakin mən bütün mahnıları ora şamil etmək istəməzdim. İndi də estardamızda həm mahnılara, mahnının sözlərinə,musiqisinə böyük məsuliyyətlə yanaşan ifaçılar var. Hər kəs öz səviyyəsinə görə cavab verməlidir. Məsələn mən repertuarlara çox diqqətlə yanaşıram.
-Bəs Siz necə mənasız mahnı oxuyardınız?
-İnanmarsınız, lakin mən artıq elə mahnılar oxumuşam. Elə vaxt olub ki, mahnınn sözləri xoşuma gəlib, musiqisi isə yox. Bununla belə oxumuşam.
-Siz onda imtina edə bilməzdiniz?
-Bilərdim, lakin bəstəkarlarla, şairlərlə dost idim deyə edə bilmirdim. Mənim etirazım onların xətrinə dəyə bilərdi.
-Lakin bir faktı da unutmamalıyıq ki, əvvəlki mahnılarda məna daha dərin idi..
-Nə tam yaxşı nə də pis idi. Sadəcə başqa cür idi. Başqa cür ona görə deyirəm ki, əvvəllər həyat özü başqa cür idi. Senzura vardı. İndi isə yaradıcılığa yeni münasibət var. İndi ilk növbədə karyera və pul durur.
-Zülfiyyə Xanbabayeva, müğənni
-Nəyə görə son vaxtlar mahnılar mənalarını dəyişib?
-Bunu zaman və indiki cəmiyyət tələb edir. Əsas odur ki, mahnı şən, aranjmanı isə parlaq olsun. Elə vaxt olur ki, musiqini dinləyəndə o qədər də səni çəkmir, arenjman olunduqdan sonra isə hər şey öz yerini tutur. Gənclər yadda qalan sadə bir şey tələb edir. Gənclərə qarşı isə çıxmaq olmur.
-Bəs siz necə belə mahnılar oxuyardınız?
-Mənim repertuarımda şən mahnılar da var. Dərin olmasa da onlarda məna var. Mən həmişə çalışıram ki, qızıl ortalığı tapım. Oxuyuramsa həm mənim həmdə pərəstişkarlarımın xoşuna gəlməlidir. Əsasən isə mən dərin mənalı , ürəyə yatan mahnılar tərəfdarıyam.
-Olubmu ki, nə vaxtsa mahnıda dəyişiklik etmisiniz?
-"Azərbaycan" mahnısı yazılanda mən şairdən xahiş etmişdim ki, sözlərini elə yazsın ki, bütün xalqı düşünməyə vadar etsin. Hər birimiz Vətənimizlə fəxr edək. Məncə bu bizdə alındı...