Azərbaycan, Bakı / Trend , müxbir E.Cavadova/ Çərşənbə günü Ağır Cinayətlərə Dair İşlər üzrə Məhkəmədə sabiq iqtisadi inkişaf naziri Fərhad Əliyevin, onun qardaşı, "Azpetrol" Şirkətlər Qrupunun keçmiş prezidenti Rafiq Əliyevin və təqsirləndirilən digər 17 nəfərin məhkəməsində sonuncu dindirilmə prosesi olub.
2 şahid və 4 mülki cavabdeh dindirilib. Hakim Tofiq Paşayev məhkəmə iştirakçılarının nəzərinə çatdırıb ki, məhkəmə prosesi başlayandan bəri ümumilikdə 330 şahid və mülki cavabdeh dindirilib. İş üzrə dindirilməli olan şahidlərə və mülki cavabdehlərə isə məhkəmənin işində iştirak etmələri üçün məktublar göndərilib və onların böyük hissəsi məktuba cavab olaraq məhkəməyə teleqram vurublar ki, üzrlü səbəbdən məhkəmənin işində iştirak edə bilmirlər. "Hesab edirəm ki, artıq yeni mərhələyə - sənədlərin araşdırılmasına keçmək olar. Lakin məhkəmə prosesi başa çatanadək hansı şahid və ya mülki cavabdeh məhkəmənin işinə qatılarsa, təbii ki, biz onu da dindirəcəyik" - deyə hakim Paşayev bildirib.
F.Əliyev isə hakimdən söz alaraq ittiham aktının saxta və iftiralarla dolu olduğunu söyləyib.
Günün ikinci yarısından başlayaraq məhkəmə iclasında sənədlərin araşdırılmasına start veriləcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
