Azərbaycan, Bakı, 26 aprel /Trend/
Bu gün UEFA Çempionlar Liqasının ikinci yarımfinalının cavab görüşü çərçivəsində Madridin "Real" komandası Almaniyanın "Bavariya" klubunu qəbul edirdi.
Oyunun əsas vaxtı 2:1 hesabı ilə meydan sahiblərinin xeyrinə başa çatdı. Kriştiano Ronaldo dubl etdi, qonaqlar isə bunlara Aryen Robbenin vurduğu topla cavab verdilər. Lakin iki oyunun nəticəsinə görə hesab 3:3 olduğundan komandalar əlavə vaxtda oynamalı oldular. Burada da qalib müyyənləşmədi və komandalar penaltilər seriyasını keçirilməli oldular.
Penaltilərdə "Bavariya" 3:1 hesabı ilə qalib gəldi.
Beləliklə, Münhenin "Allianz Arena" stadionunda keçiriləcək final matçında "Çelsi" və "Bavariya" üz-üzə gələcəklər.