Azərbaycan, Bakı, 11 oktyabr / Trend/
Cümə axşamı bədii gimnastika üzrə 19-cu Bakı çempionatı start götürüb. Bu barədə Trend-ə Azərbaycan Gimnastika Federasiyasının mətbuat xidmətindən məlumat verilib.
Yarışlarda altı yaş qrupu üzrə 94 gimnast iştirak edir. Bunlar yuxarı yaş qrupu və yeniyetmələr, eləcə də 2000-2001-ci, 2002-ci, 2003-cü və 2004-cü il təvəllüdlü iştirakçılardır.
İdmançılar yalnız mütləq çoxnövçülük üzrə medallar uğrunda mübarizə aparacaqlar.
"Neftçi" və Bakı Gimnastika Məktəbinin, Respublika Kompleks İdman Məktəbinin və DİN-in "Spartak" və "Sərhədçi" İdman cəmiyyətlərinin iştirakçıları ilə yanaşı, Bakı Peşəkar İdman klubunun, Nizami rayonu Uşaq-Gənclər Yaradıcılıq Birliyinin və Şağan Olimpiya Komleksinin idmançıları da yarışda iştirak edəcəklər.
Çempionat Bakı Olimpiya İdman Kompleksində keçirilir.