...

Akademik avarçəkənlərimiz Dünya Kubokunun II mərhələsində mübarizəyə başlayır

İdman Materials 20 İyun 2014 09:31
İyunun 20-də Fransadakı Eqvebelett gölündə akademik avarçəkmə üzrə Dünya Kubokunun II mərhələsi start götürəcək.
Akademik avarçəkənlərimiz Dünya Kubokunun II mərhələsində mübarizəyə başlayır

Trend-i buradan izləyin

Azərbaycan, Bakı, 20 iyun /Trend/

İyunun 20-də Fransadakı Eqvebelett gölündə akademik avarçəkmə üzrə Dünya Kubokunun II mərhələsi start götürəcək. Nüfuzlu reqatada Azərbaycanı 5 idmançı təmsil edəcək.

Azərbaycan Milli Avarçəkmə Federasiyasının mətbuat xidmətindən Trend-ə verilən məlumata görə, əsas diqqətlər son Avropa çempionatının gümüş mükafatçıları Aleksandr Aleksandrovla Boris Yotova yönələcək. Aleksandrov - Yotov dueti 2 nəfərlik qoşa avarlı qayıqla (M2X) 2000 metr məsafəyə yürüşlərə qatılacaq. Bu cütlüyün üst-üstə 21 rəqibi olacaq.

2 nəfərlik sükansız qayıqla (M2-) eyni məsafəyə yürüşlərdə isə İqor Luçiç - Luka Dordeviç cütlüyü çıxış edəcək. Onların ümumilikdə 12 rəqibi olacaq.

Nəhayət, Cavid Əfəndiyev 1 nəfərlik yüngül çəkili qayıqla (LM1X) eyni məsafəyə yürüşlərə qatılacaq. O, ümumilikdə 19 avarçəkənlə mübarizə aparacaq.

Dünya Kubokunun II mərhələsinə iyunun 22-də yekun vurulacaq.

Məqalədə:
Xəbər lenti

Xəbər lenti